Vend i lirë pune: Menaxher i Qëndrueshmërisë - Devoll Hydropower Sh.A.

Menaxher i Qëndrueshmërisë do të jetë pjesë e një ekipi profesionistësh dhe do të jetë përgjegjës për menaxhimin e veprimtarive dhe standardeve të qëndrueshmërisë së shoqërisë. Pozicioni do të raportojë te Menaxheri të Aseteve.

Roli juaj: 

Fushat e përgjegjësisë do të përfshijnë, por pa kufizim, sa më poshtë:

• Zhvillimin e Planit vjetor të Veprimit për Qëndrueshmërinë të shoqërisë, ku përfshihen qëllimet dhe veprimet në nivel vendi, si dhe sigurimin e të dhënave për procesin e performancës dhe të planifikimit në nivel kombëtar dhe për objektivat strategjikë të qëndrueshmërisë së Statkraft.
• Zhvillimin e procedurave dhe proceseve bazuar në kërkesat e Statkraft dhe në përputhje me ligjet/rregulloret vendore.
• Menaxhimin e veprimtarive të lidhura me qëndrueshmërinë (mjedisore, klimatike, sociale, të të drejtave të njeriut etj.) për asetet/projektet e DHP-së, duke përfshirë monitorimin e pajtueshmërisë me planet dhe standardet në fuqi.
• Bashkëpunimin me zhvilluesit e projektit për të mbështetur zhvillimin e strategjive të qëndrueshmërisë, për të ndihmuar në realizimin e projekteve specifike. 
• Garantimin e zbatimit të të gjitha masave të nevojshme për ndjekjen e aspekteve të qëndrueshmërisë (mjedisore dhe sociale) në zinxhirin e vlerës në nivel vendi, për operacionet, zhvillimin dhe ndërtimin.
• Garantimin e zbatimit të standardit të të drejtave të njeriut. Identifikimin e rreziqeve që duhen shmangur, minimizimin dhe/ose zbutjen e ndikimeve nga veprimtaritë tona dhe sigurimin e mekanizmave të përshtatshëm të ankimimit.
• Garantimin e realizimit të procesit të raportimit tremujor në mënyrë efikase dhe të saktë.
• Kryerjen e veprimtarive të diligjencës së duhur mbi qëndrueshmërinë që janë pjesë e portofolit, në baza vjetore.
• Realizimin e diligjencës së duhur për M&A me mbështetjen e ekipit të fushës së biznesit (BA), nëse është e nevojshme. 
• Dhënien e këshillave specifike në nivel vendi dhe ofrimin e mbështetjes lidhur me fushën e qëndrueshmërisë.
• Zhvillimin dhe garantimin e dialogut me grupet përkatëse të brendshme dhe të jashtme të interesit, të prekura nga veprimtaritë e Statkraft në Shqipëri.
• Garantimin e monitorimit të mekanizmave të ankimimit në nivel vendi dhe projekti, sipas nevojës.
• Kryerjen e detyrave të tjera sipas kërkesave të menaxherit të linjës
   

Profili juaj:

• Diplomë universitare në shkenca sociale, studime mjedisore, inxhinieri mjedisore, ose në një fushë të ngjashme 
• Të paktën 5 vite përvojë në fushën përkatëse 
• Përvojë në sektorin e energjisë së rinovueshme dhe në praktikat më të mira të zhvillimit të qëndrueshëm
• Përvojë pune në çështjet mjedisore, sociale dhe të të drejtave të njeriut 
• Njohuri mbi udhëzimet dhe kuadrot kryesorë ndërkombëtarë në fushën mjedisore, sociale dhe të të drejtave të njeriut 
• Aftësi të shkëlqyera në komunikim dhe njohje e mirë e gjuhës shqipe dhe asaj angleze 
• Aftësi shumë të mira ndërpersonale, aftësi për të krijuar marrëdhënie në të gjitha grupet e synuara
• Aftësi për të punuar në ekip, si dhe aftësi në menaxhimin e grupeve të brendshme dhe të jashtme të interesit.
• Aftësi shumë të mira të komunikimit verbal dhe me shkrim
• Njohuri të mira në aplikacionet e Microsoft Office
• Përvojat e mëparshme të punës në një mjedis ndërkombëtar do të ishin një vlerë e shtuar
• Nivel i lartë integriteti 

Data e fillimit: Sa më shpejt që të jetë e mundur

Afati i aplikimit: 15.10.2024

Vendndodhja: Zyrat e DHP-së në Banje, Fshati Shtepanj, Nj.A Gostimë, Bashkia Cërrik, Elbasan.

Devoll Hydropower ofron:  

• Zhvillim profesional dhe personal në një kompani në rritje të vazhdueshme. 
• Një mjedis pune pozitiv të karakterizuar nga ekspertiza, përgjegjshmëria dhe novacioni. 
• Një vend pune të larmishëm për sa i përket gjinisë, moshës dhe prejardhjes kulturore 
• Kushte punësimi konkurruese dhe skema të shkëlqyera përfitimesh

Ftojmë të gjithë kandidatët e interesuar që të paraqesin CV-të e tyre brenda datës 15.10.2024, në adresën e emailit d.marko@pendlpiswanger.com, duke përdorur kodin e referencës 104/833.