Devoll Hydropower Sh.A.
Devoll Hydropower Sh.A. (DHP) është një kompani shqiptare në pronësi dhe e operuar nga Statkraft.
Bazuar në Kontratën e Koncesionit nënshkruar me Qeverinë e Shqipërisë dhe miratuar nga Parlamenti Shqiptar në vitin 2009, DHP është përgjegjëse për ndërtimin dhe operimin e hidrocentraleve Banjës dhe Moglicës, pjesë e kaskadës së Devollit, përgjatë Luginës së Lumit Devoll, në jug-lindje të Shqipërisë.
DHP aktualisht operon hidrocentralet e Banjës dhe Moglicës, prodhon dhe tregton energji elektrike të rinovueshme prej tyre. DHP integron vizionin dhe vlerat e Statkraft, me fokus të veçantë në Shëndetin, Sigurinë dhe Mjedisin. DHP është e angazhuar të operojë me standarde të larta të integritetit.
DHP ka zyrat e saj në Tiranë dhe Banjë, si edhe operon Zyra të Informimit të Publikut në Banjë . Jeni të mirëpritur të na vizitoni dhe të merrni informacion të mëtejshëm rreth aktiviteteve tona.
Kontrata e Koncesionit e DHP-së me Qeverinë e Shqipërisë është e bazuar në modelin BOOT. Koncesioni është nënshkruar me Qeverinë e Shqipërisë më 19.12.2008 dhe është miratuar nga Parlamenti Shqiptar me anë të Ligjit nr. 10083, datë 23.02.2009, i ndryshuar.
BOOT do të thotë:
B - (Build) - Ndërtim: Ndërtimi i hidrocentraleve.
O – (Own) - Pronësi: Pas ndërtimit, DHP është pronar i centraleve dhe është përgjegjës për mirëmbajtjen e tyre.
O – (Operate) - Operim: DHP operon hidrocentralet për të prodhuar hidroenergji.
T – (Transfer) - Transferim: Pas përmbushjes së detyrimeve të Kontratës së Koncesionit, pronësia e centraleve do i transferohet Republikës së Shqipërisë.
Faqe të ngjashme
HEC Moglicë
HEC Moglicë është hidrocentrali më i madh në kuadër të Projektit Hidroenergjetik të Devollit.
Lexo më shumë
HEC Banjë
HEC Banja është HEC-i i parë që hyri në operim në kuadër të Projektit Hidroenergjetik të Devollit.
Lexo më shumë