Informacion rreth prurjeve dhe shkarkimeve të ujit nga rezervuarët e Banjës dhe Moglicës, në luginën e lumit Devoll
Devoll Hydropower Sh.A. (DHP) operon Hidrocentralet e Banjës dhe Moglicës, në kuadër të Projektit Hidroenergjetik të Devollit.
Nga data 18 nëntor 2025, Shqipëria dhe Ballkani Perëndimor janë prekur nga reshje masive shiu. Kjo ka prekur edhe ujëmbledhësin e lumit Devoll me prurje masive të ujit në rezervuarët e Banjës dhe Moglicës.
Aktualisht nga rezervuarët e Banjës dhe Moglicës kryhen shkarkime të kontrolluara të ujit, brenda parametrave të operimit normal. Shkarkimet kryhen në përputhje me rregulloret teknike të Digave të Banjës dhe Moglicës. Shkarkimet nga rezervuarët e Banjës dhe Moglicës kanë qenë shumë herë më të ulëta se prurjet në rezervuarët përkatëse.
DHP është në kontakt të vazhdueshëm me autoritetet dhe menaxhon situatën në zhvillim në koordinim me autoritetet.
Për informacione mund të kontaktoni me email në adresën: info.albania@statkraft.com